咖啡拉花班

最近好多讀者inbox我地問：如果想星期六日想去啲特別嘅地方拍拖，但係天氣太熱又唔想去戶外活動，可以做啲咩好？

小編有一個推介，特別適合鐘意飲咖啡嘅couples，就係上「咖啡拉花班」啦=]

成個拉花班歷時三個鐘，分為三部份：導師首先會先介紹一下咖啡歷史背景及沖調器材； 然後會教學員使用espresso coffee maker沖咖啡及打奶泡技巧； 最後當然就係是日重點, 拉花啦!

整個沖咖啡嘅過程，由壓粉, 到上咖啡機，到打奶泡導師都會逐個示範，然後俾學員練習再練習,影相同埋再影相（哈哈）！導師話：「咖啡粉份量要適中, 壓粉嘅腕力要平均, 否則咖啡有機會萃取過度或不足, 令咖啡太苦澀或未有足夠creama； 打奶泡時動作要快, 打出細滑奶泡之餘, 將奶溫度由5度提升至約60度； 最後將細綿溫暖的奶泡混入岩岩沖好嘅咖啡入面, 並利用奶泡的張力拉出各種美麗形狀。」總括而言, 沖咖啡時要心定手快。心要清楚自己每個步驟嘅先後次序及時間長短； 手的動作要靈活快速, 尤其喺拉花嘅時候, 假如動作不順, 拉花嘅形狀就達唔到效果。一般只要練習兩三次便可以做到樹葉拉花!

仲有好多沖咖啡嘅學術內容就唔詳細講（其實係唔記得左Heehee），不過兩個人一齊上興趣班真係好開心，一黎可以一齊學下野，二黎你笑下我，我笑下你，未拉到花都已經sweet到暈=p

最後：有人話要做3D拉花，點知..what is it haha（上）一齊睇下老師嘅作品吧！（下）=p

如果大家覺得有趣就試下啦=D，坊間都有好多拉花班選擇！有其他建議都可以inbox我地呀！

P.S. 好多讀者問我地上嘅「咖啡拉花班」喺邊度報，喺度話俾大家知啦：

課程公司：Coffee Lover
地點：觀塘
價錢：我地團購果陣買嘅，$198一個人，佢好多時都有做團購，大家可以留意下=)