來自上海的味道 - 南翔饅頭店

(餐廳已經結業，特留此Post作記錄)
去完上海後, 特別掛住城隍廟嘅「南翔小籠包」。個種皮薄而煙韌,，肉滑而多汁嘅感覺真係令人「念念不忘，必有回響」=] 最近發現原來係香港要食到上海師傅嘅手勢並非完全無辦法。

銅鑼灣嘅「南翔饅頭店」源自上海城隍廟總店「南翔小籠包」，聽聞為保持水準特別調派總店師傅坐陣，以保持上海嘅口味。店鋪裝潢保留城隍廟風格，配以沉色木製傢俱，環境大方舒適。

除左小籠包外，今次亦點左其他非熱門食物以試試水準。點左松茸燉雞湯，酒糟豬手，東坡肉炆百頁，擔擔麵及甜品桂花拉糕（兩個人都食咁多野=p)。主角小籠包上檯時，我地特登咬破外皮，飲一啖湯汁，然後再慢慢品嚐：係想念多時嘅上海味道！鍾意食上海野嘅couple不妨一試=]

地點: 軒尼詩道489號銅鑼灣廣場一期3樓
人均消費: $150